TK Studio علامة في الإمارات للتصاميم الخاصة والهدايا الشخصية. نستلهم أفكارنا من اللحظات اللي تجمعنا: فنجان قهوة نرحّب فيه بضيف، مناسبة نفرح فيها، كلمة شكر، أو هدية نختارها لأنها تشبه صاحبها.
عالمنا يجمع قطع القهوة والشاي، والمجات، والدفاتر، وقوارير الماي، والشنط، والإكسسوارات، وأوراق اللعب، والهوديز. كل فئة بداية لفكرة نرتّب تفاصيلها وياك، على ذوقك وللشخص اللي في بالك.
ما يحتاج تكون عندك رسمة جاهزة عشان تبدأ. كلمة، ألوان تحبها، أو صورة تلهمك تكفي نفتح فيها السالفة. نناقش وياك الخيارات الممكنة ونأكد التفاصيل قبل ما نبدأ بالطلب.
قاعدين نجهّز مجموعتنا للعرض أونلاين. لين تكتمل، خذ لك لفة على الفئات، شوف تصاميمنا السابقة على إنستغرام، أو تواصل ويانا وخلّنا نبدأ بشي يحمل لمستك.